Heinz Leive
Plattdüütsche Vertellsels

Dat ju wat inne Moppen krieget

Dat ju wat inne Moppen krieget
Dat was siet Joahrn bi Tegelhütters so, eemoal inne Wiäken gav et Broutsuppen doamet de aulen Broutreste torecht keimen. Doabi seiden denn olle tohaupe ümme eenen grauten Kump inne Midde van den eiken Disk un wöern met iährn Liäpel an slürfen. Güßt dat de Mömen et uppen Disk kreig, keimp auk Pastor Krützkamp anne Düern. He hadde oll faken bi Tegelhütters 'n Teller Fixebauhnen or Schillegassen met giäten.
"Oh", segg Oma Tegelhütter, "sei kuomt güßt richtig, Herr Pastor, bi us wä met annen Disk to rücken. Vandage häwwe wi Broutsuppen, sett sei sick man bi usen Opa met anne Side, ick houl ju 'n Liäpel uten Schappe un denn seiht to, dat ju wat inne Moppen krieget."
Pastor Krützkamp lött sick doa auk nech lange neudigen un greip fuorts met in den grautn Kump. He hadde oaber baule nen Stücke van den aulen Swattbroutknost uppen Liäpel kriegen, denn je kauede un kauede met siene tweeden Tiäne, konne den Knost oaber nech twingen un daalslucken. Oma Tegelhütter miärke dat un woll em ut siene Voliägenheed helpen: "Wenn sei den Knost auk nech twingen küennt, Herr Pastor, denn smiet sei man dat Stück wä innen Kump, ick häwwe doa auk oll drup rümme biäten." -




Zurück

Home

Weiter

Biografie

Das Buch

Inhalt

E-Mail

Gästebuch

Awards



Goldene Linie