|
I'ay tant bon credit qu'on voudra, Mais autre ha ce que ie desire, Pour vous i'endure & il prendra Le merite de mon martire: Vous le baisez sans qu'il vous tire Plus d'une fois sans contredit: Il en rid & moy soupire, Voila comme i'ay bon credit. Prince toute mon esperance Est de tout bien estre interdit: Il ha l'effet, moy l'aparence: Voila comme i'ay bon credit. |
Ie vous aime, & l'aimez mieus, S'il n'est ainsi ie n'y voy goutte: Car à voir ou trotent voz yeus, I'en suis plus seur que ie n'en doute, Vous luy dites plus qu'il n'escoute, Bien qu'il aime ailleurs, comme on dit, Vostre suis, & vous à luy toute: Voila comme i'ay bon credit. Prince toute mon esperance Est de tout bien estre interdit: Il ha l'effet, moy l'aparence: Voila comme i'ay bon credit. |
Vous vous assemblez volontiers: Chacun le dit, & ie le pense: Et si ne voulez point de tiers, Ie croy pour fouyr la depense, Vous luy donnez bien sans dispense, Ce dout ie suis souuent desdit: Ie sers, il ha la recompense, Voila comme i'ay bon credit. Prince toute mon esperance Est de tout bien estre interdit: Il ha l'effet, moy l'aparence: Voila comme i'ay bon credit. |
Close