|
Que te sert amy d'estre ainsi Pensif, solitaire & transsi, Puis que tu as l'heure & l'adresse De seruir si belle maistresse, Et de qui tu te peus vanter D'auoir la veue & le hanter, Ce que tous n'ont point merité: Compagnon tu dis verité, I'en voy le front, & les cheueus: Mais tu la baises quand tu veus. |
Ne me parle point de baiser, Mais de ta maistresse apaiser: Estant seur de sa grace bonne, Tu es à son gré la personne De la cout, qui dance le mieus, Tu es le hymant de ses yeus, Tant tu vas propre & bien en point Tes presens ne refuse point: Que veus tu mieus en attendant, Mais tu la baises ce pendant. |
Quant à moy ie ne trouue rien, Qui me donne espoir d'auoir bien, Ny de meriter vne amye: Ie n'entens lettre ny demie, Ie ne sçay, sonner ne dancer, I'ay peu de bien pour m'auancer, Qui est-ce qu'on veult maintenant: Ie ne suis beau ny auenant, Ie suis malheureus de tout point, Ouy, si tu ne baisois point. |
Close