|
Quand viendra la clarté Des amoureuses flammes, Qui mettent en liberté Leur amants & leurs dames, Tournans leures pleurs en ris, Et ialous bien marris. Plust à dieu qu'il fust dit Que tous ceus qu'amour presse, Eussent plus de credit Chacun vers sa maistresse, Que les facheus maris, Et ialous bien marris. |
Et qu'on peust deposer Vn qui trance & mal traitte, Pour celuy espouser Qu'on desire & souhaitte, Noz maus seroient gueris, Et ialous bien marris. Et si quelque obstiné Disoit qu'il en appelle, Iour lui soit assigné Par deuant la plus belle, Qui soit dedans Paris, Et ialous marris. |
Close