|
Amour me sçauriez vous aprendre A monterer voz feuz & glaçons Par autres plus tristes façons, Que par pleurs & par soupirs rendre: Chaun sçait des larmes espandre, Et faire entendre Par longue plainte Sa ioye estainte: Mais ie me sens opprimer D'un si amer Malheur extreme, Que mon taint blesme, Ny la mort mesme Ne la peut assez exprimer. Mon cur en moi plus ne demeure, Et sont prisonniers mes esprits D'un qui d'une autre main est pris, Dont ie meurs cent fois en vne heure, Encores si i'estoye bien seure Que ma blessure Et mesme flamme Fut en mon ame, Et son cur i'eusse au lieu du mien, I'auroye le bien Que plus demande L'amytié grande, Qui me commande Craindre tout, & n'asseurer rien. |
Ie crain tant & tant ie desire Que rien ne me peult contenter, Fors celuy qui se peult vanter D'auoir seul sur moy tout empire, Tout autre en vain pour luy soupire, Et se peult dire Des filets tendre Pour le vent prendre Car ie passe entre biens diuers Les yeus couuers, Dont mon cur tremble Et brulle ensemble, Tant que i'assemble, Mille estez, & autant d'yuers. |
Close