|
Nous voyons que les hommes Font tous vertu d'aimer, Et sottes qui nous sommes Voulons l'amour blamer: Ce que leur est louable, Nous tourne à deshonneur, Et faute inexcusable, O dure loy d'honneur, Nature plus qu'eus sage Noue en ha vn cors mis, Plus propre à cet' vsage, Et nous est moinx permis. O peu de congnoissance De leur trop grand vouloir, Et de leur impuissance, Et de notre pouuoir. |
O malheureuse enuie Des hommes rigoureus, Qui priuent notre vie Des plaisirs amoureus. Si des le premier age Ce sexe audacieus Par iniure & outrage Voulut forcer les cieus. Et si fut si moleste Iadis au dieu des dieus, Osant son feu celeste Porter en ces bas lieus. Ce n'est point de merueille S'il nous ha aussi fait Presqu'iniure pareille, Sans luy auoir meffait. |
Ayant par sa malice Introduit finement, Qu'aimer ne seroit vice, Qu'aus femmes seulement. Si leur outrecuidance Sceurent punir les dieus, Nous auons esperance Qu'ils nous vengeront d'eus. Et sera la vengence Les vns mourans d'auoir Eu trop de iouyssance, Les autres de le voir. |
Close