|
Si i'aime ou non ie n'en dy rien, Chacun en pense ce qu'il veult: Si l'amour me fait mal ou bien, C'est à moy seul qui plaist ou dœult: Qui sauoir veult ce qui en est, Il s'en tourmente & m'en deplaist. On dit que mon œil va souuent Au lieu ou ie voudroye choisir, Ia pour cela ne suis seruant, Car regard ne m'est pas plaisir: Si par plaisir l'œil se conduit, Le cœur n'y est pourtant seduit. |
Ie ne dy pas que quelque fois L'œil n'ait bien le cœur vaincu: Mais en viuant comme ie fais, Attaint ne suis ny conuaincu, I'en ay vescu long temps en dœil, Le cœur ne croira plus à l'œil. Fortune ha bien esté pour moy, M'entretenant en mes amours, C'est pour auoir gardé ma foy, Dire le puis bien tous les iours, Tout mon secours gift en honneur, Parquoy ie dy, fy de langeur. |
Close