|
Si ce n'est amour qu'est-ce, Qu'est-ce donc que ie sens ? Helas qui mon cœur presse, Et rauist tous mes sens. Ie ne le sçauroye dire, Mais si c'est bien ou heur D'ou me vient tel martyre, Telle peine & douleur. Et si mal ce peult estre, Helas mon dieu comment Fait il en mon cœur naistre Si gracieus tourment. |
Et si brulle mon ame De mon gré & vouloir, Puis-ie bien de sa flamme Iustement me douloir. Si ma peine est contrainte, Que me sert le plorer, Ny du mal la complainte, Qu'il conuient endurer. |
O delectable peine, O desirables maus, O mort de vie pleine, O gracieus trauaus. Pouez vous bien ma vie Ainsi facilement A vous rendre asseruie, Sans mon consentement. |
Close