|
Ce n'est bien ny plaisir Estre de tant seruie, Qui ha bien sceu choisir, Sur autruy n'ha enuie: Les vrayes amytiez N'ont que leurs deus moytiez, Et qui plus y en fait Rend leur bien imparfait. Mais c'est vn bien grand heur Auoir l'obeissance D'un loyal seruiteur, Auecques iouyssance: Et le tenir si cher, Qu'il n'ait besoing chercher Ailleurs contentement, Qu'en vn lieu seulement. |
Quant à moy ie ne veus Prendre pour mes exemples Celuy qui ha des vus Rendus en plusieurs temples: Amour n'est de ces dieus De qui sont en tous lieus Et en toutes saisons, Receues noz raisons. Vn dieu & vne loy, Pour heureusement viure, Vne foy & vn Roy, Chacun dit qu'il faut suyure: Mais il s'entend parmy D'auoir vn seul amy: Car sans ce dernier point Viure on ne sçauroit point. |
Close