|
Mes pas semez & loing allez Par diuers solitaires lieux: Sont de pensers entremellez, Qui rendent humides mes yeux, Et tabt plus i'ay ma voix haucée Tant mois ie me sens exaucée. Et si ne sçay quand i'aurai mieux. Ie n'ai tenu mes pas si chers, Ny mon esprit tant endormy, Que par montaignes & rochers Ie n'aye cherché mon amy: L'œil au guet, l'aureille ententiue, La parole prompte & naifue, Mais de luy n'ay mot ne demy. Quand quelqu'un parle il m'est auis Que Narcissus ha quelque ennuy, Ie me presente vis à vis Pour tenir propos à celuy Qui telle parole prononce, En luy faisant mesme response, Mesme propos & mesmes dicts. |
Narcissus, responds s'il te plaist, Ois tu mon cry, ie croy que non: Rien ne sera mon piteux plaid, Fors par tout espandre ton nom. Donc ie te pry ne me nie Ta bien aimée compagnie, Et tu sera en bon renom. Ton bon sçauoir ny parler prompt Ne m'acquierent aucun plaisir: Car l'absence de l'amy, rompt Tout ce qu'en espere mon desir: Mais puis que c'est ma destinée, Que ie soye amante obstinée, Ie quitte propos & plaisir. Respondant à plusieurs parleurs, Ie n'en ay sceu trouuer aucun, Qui s'aprochast de tes valeurs: Pour cela i'entretiens chacun, C'est enattendant ta presence: Car ie suis en ferme constance, Parler à tous, & n'aimer qu'un. |
Close