|
O ma dame perds-ie mon temps, Voulez vous que me retire: O Madame perds-ie mon temps, Ou si i'aurai ce que i'atens? Las que c'est vne grande peine, Quand l'esperance incertaine Tient la personne en suspens, Entre plaisir & martyre: O ma dame, & c. Las i'en eu l'experience Poursuyuant vne aliance, Dont tant douteux ie m'en sens, Que mon cœur dolent souspire: O ma dame, & c. |
Ie luy ay dit ma pensée Dont elle semble offensée, Et ses beaux yeux mal contens, Qui deuant me souloient rire: O ma dame, & c. Pourquoy n'estes vous contente Que mon cœur ie vous presente, Tous les humains sont contens, Quand les seruir on desire: O ma dame, & c. Celle à qui amour ie porte Est parfaitte en toute sorte De corps, d'esprit, & de sens: De cœur, ie n'en sçay que dire. O ma dame, & c. |
Close