|
I'ay le rebours de ce que ie souhaite, I'ay conuerty en ioye contrefaite, Tout le plaisir que perdre craignoye tant: I'ay du mal tant tant, Que le cœur me fend De voir l'amour defaite. Ma douleur n'est pas moins grande que secrette, Mon bien perdu sans espoir ie regrette, Qui me souloit l'esprit rendre content: I'ay du mal tant tant. Plus ie congnois l'amour seure & perfaite, Plus me deplaist de la voir imperfaite: Si i'en ai ris, i'en pleure bien autant: I'ay du mal tant tant. Vn cœur leger plus qu'une girouette, Qui ne tient plus promesse qui'il te faite, A ruiner ma fermeté pretend: I'ay du mal tant tant. |
Pour son plaisir changement il accepte, De mon ennuy moins faire la recepte: Car vraye amour, ou vie ou mort attend: I'ay du mal tant tant. Pour suiure ampur & estre de sa secte, I'ay tous ces mots, sans que nul en excepte, Et tous ces biens passez vois regrettant: I'ay du mal tant tant. Fy des beaux chants & des vers du poete, I'aime trop mieux Hieremie le prophete, Auec luy vois mourir en languissant: I'ay du mal tant tant. |
Close