|
I'ay cherché la science De prendre patience: Mais cette experience N'ha gueri ma blessure: Quelle peine est plus dure, Que celle que i'endure. I'ay voulu faire preuue D'entrer en amour neuue: Mais tousiours ie me treuue La premiere pointure: Quelle peine est plus dure, Que celle que i'endure. Et si vous de fortune Aimez personne aucune, Ce n'en peult estre qu'une De celeste nature: Quelle peine est plus dure, Que celle que i'endure. |
Si vous sçauiez ma dame La force de ma flamme, Vous tiendriez à grand blasme N'en auoir soing ne cure: Quelle peine est plus dure, Que celle que i'endure. Cela rompt l'esperance A mon insuffisance De voir en sa puissance Si heureuse auenture: Quelle peine est plus dure, Que celle que i'endure. Ce pendant ma detresse Ne prendra fin ne cesse Que par vous, ma maistresse, Ou par le sepulture: Quelle peine est plus dure, Que celle que i'endure. |
Close