|
Pvis que nouuelle affection. Ha vaincu la perfection, Qui mon cœur peult seule enflamer: Amy, ie ne veux plus aimer. Ie ne veux plus que l'on me voye Porter ennuy & faindre ioye, Mal recueillir, & bien semer: Amy, ie ne veux plus aimer. Desormais en ma fantasie N'entreront peur, ny ialousie, Qui mon cœur puissent entamer: Amy, ie ne veux plus aimer. Desormais de sainct iugement Ie pourrai nyer franchement, Le faux, & le vrai approuuer: Amy, ie ne veux plus aimer. La belle me semblera belle, La laide me semblera telle, Le doux, doux, & l'amer amer: Amy, ie ne veux plus aimer. |
N E me faites plus remonstrance Que c'est de foi ou de constance, Les deux m'ont pensé consommer: Amy, ie ne veux plus aimer. Amour, peult estre en tel endroit Sera aimé à meilleur droit: Mais i'ay bien dequoi le blasmer: Amy, ie ne veux plus aimer. Qu'il face, s'il est si grand dieu, Que deux aiment en mesme lieu, Et contens se puissent nommer: Alors on me verra aimer. Qu'il donne à terre clarté, Et au ciel noire obscurité, Asseurance en la haute mer: Alors on me verra aimer. |
Close