Vous que le bon heur r'appelle
A vn seruage ancien,
Mourez aux peids de la belle
Qui vous daigne faire sien.
Glorieuse en vostre perte,
Honorez vostre vainqueur,
Qui vous a la porte ouuerte
De la prison de son cœur.
Heureux venez vous donc rendre
A celle qui vous a pris,
C'est honneur de se voir prendre
A qui tient tout à mespris.
Ainsi vostre ame reprise,
Finis toute liberté :
Glorieuse est l'enterprise
Qui guide à l'eternité.
Close